WIE IS ONS?

NG Gemeente Waverley was gestig in 1952 en vind haarself in die hartjie van die Waverley gemeenskap. Die gemeente en haar lidmate strek oor verskillende generasies en daar word hard gewerk om te verseker dat elkeen n geleentheid het om deel te vorm aan die groter geloofsgemeenskap.

Die predikantespan:

In ons gemeente het ons die voorreg om drie predikante te kan hê. Die predikante is deur hulle opleiding en ondervinding toegerus om mense in verskillende situasies by te staan en te begelei. Elkeen van die predikante sien dit as n voorreg om in mense se lewens betrokke te wees. As gemeente is ons ook daarvan oortuig dat God onder andere deur die teenwoordigheid van die predikante self teenwoordig is in mense se situasie.